ຫຼັກສູດປະລິນຍາຕີ

ພັດທະນາຊັບພະຍາກອນມະນຸດໃຫ້ມີຄວາມຮູ້, ຄວາມສາມາດ ແລະ ມີປະສົບການດ້ານການສຳຫຼວດ, ອອກແບບ, ວາງແຜນພັດທະນາ, ການບໍລິການ ແລະ ຄຸ້ມຄອງການທ່ອງທ່ຽວ ທີ່ຕິດພັນກັບທຳມະຊາດ,ປະຫວັດສາດ ແລະ ວັດທະນະທຳທ້ອງຖິ່ນ ເພື່ອນຳໄປປະຍຸກໃຊ້ໃຫ້ເກີດປະໂຫຍດສູງສຸດ, ມີຄວາມສາມາດໃນການຄົ້ນຄິດ, ວິເຄາະ, ປະເມີນ ແລະ ຕິດຕາມກວດກາຢ່າງມີປະສິດ ທິພາບ, ດຸໝັ່ນສະແຫວງຫາຄວາມຮູ້ດ້ວຍຕົນເອງ ແລະ ສາມາດຕິດຕໍ່ສື່ສານກັບຂະແໜງການອື່ນໆ ລວມທັງເປັນຜູ້ມີຄຸນນະທຳ ແລະ ຈະລິຍາທຳ.

ພັດທະນາຊັບພະຍາກອນມະນຸດຂອງຊາດໃຫ້​ມີຄວາມ​ຮູ້, ​ຄວາມສາມາດ ແລະ ວິໄສທັດກວ້າງໄກ ໃນການອະນຸຮັກປ່າໄມ້ ແລະ ສັດປ່າ ເພື່ອໃຫ້​ສາ​ມາດວາງແຜນ, ຈັດຕັ້ງປະຕິບັດແຜນ, ແລະ ຄົ້ນຄວ້າວິທະຍາສາດທີ່ເປັນເລີດ, ເປັນຜູ້ນຳທາງດ້ານວິຊາການ ທີ່ມີຈັນຍາບັນ, ຮັກວິຊາຊີບ, ມີມະນຸດສໍາພັນທີ່ດີ, ມີຄຸນສົມບັດສິນ​ທຳ​ປະຕິວັດ,ຈົງຮັກພັກດີ​ຕໍ່​ຊາດ, ​​ເພື່ອຕອບສະໜອງຄວາມຮຽກຮ້ອງຕ້ອງການໃນການຈັດຕັ້ງປະຕິບັດນະໂຍ ບາຍ ແລະ ຍຸດທະສາດປ່າໄມ້ຂອງລາວ ແລະ ສາກົນໃຫ້ປະກົດຜົນເປັນຈິງ.